।। नमामि देशभारतम्।।
नमामि राष्ट्रभारतम् नमामि राष्ट्रनायकम्।
नमामि भूमिभारतम् नमामि सैन्यनायकम्।।
प्रसिद्धजनतन्त्रयुतम् जम्बूद्वीपस्थितम्।
नमामि शास्त्रपण्डितम् नमामि तत्त्वदर्शनम्।।
नमामि समुद्रस्योत्तरम् नमामि हिमाद्रेश्चदक्षिणम्।
नमामि प्रजाप्रभुत्वात्मकं नमामि वरिष्ठशासनम्।।
शिवशक्तिसमन्वितम् नमामि शकुन्तलासुतम् ।
नमामि बौद्धधारणाम् नमामि जैनशिक्षणम्।।
धर्मनिरपेक्षताम् विधाय नमामि सर्वधारणाम्।
ॠषिपरम्पराम् स्वीकृत्य नमामि राष्ट्रमातरम्।।
मयूरव्याघ्रशोभितम् नमामि कृषकसम्पदाम्।
नमामि सिन्धुसागरम् नमामि गोदावरीजलम्।
नमामि राष्ट्रमातरम् नमामि देशभारतम्।।
-----
डा.धनञ्जय कुमार मिश्र
अध्यक्ष संस्कृत विभाग सह अभिषद् सदस्य
सिदो कान्हू मुर्मू विश्वविद्यालय दुमका
(झारखण्ड) 814101
Comments
Post a Comment